Ano ang Dapat Nating Mahiwatigan Mula sa Tila Muling Paglitaw ng Panahon ni Noe?
Ang buong sangkatauhan ay nabubuhay ngayon sa ilalim ng sakop ni Satanas at nagiging mas malalim na tiwali sa bawat araw na dumadaan. Ang mga positibong bagay ay kinokondena, ang mga negatibong bagay ay pinanghahawakan sa mas mataas na pagpapahalaga ng mga tao sa mundo, at ang sangkatauhan ngayon ay isang matinding tagasuporta ng kasamaan. Sa partikular, ang lahat sa anumang malaking lungsod ay makikitaan ng mga karaoke bar, restawran, at mga club na sayawan, ang bawat isa ay punong-puno ng kasamaan at kalaswaan. Nagagalak ang mga tao sa pagkain, pag-inom, pagsasaya, pagpapasasa sa mga pisikal na pagnanasa, at nawala nila ang kanilang dignidad at integridad. Walang pag-ibig sa pagitan ng mga tao, at ang lahat ay napaka-makasarili at kasumpa-sumpa. Para sa pera o para sa kita, ang mga tao ay nakikipagtunggali sa isa’t isa, nakikipagbangayan at dinadaya ang bawat isa, at pati na pumupunta upang makipag-suntukan. Kahit na ang mga magkapatid, mga magulang at anak, kaibigan at kamag-anak ay tulad nito, na napapalayo sa bawat isa nang labis para sa kapakinabangan. At hindi lamang ang mga di-mananampalataya ang kumikilos ng tulad nito. Maraming mga kapatid na naniniwala sa Panginoon ang hindi nasusunod ang mga turo ng Panginoon, na sumunod sa mga kalakaran ng mundo, at naghahabol sa uso, nagnanasa ng kayamanan, at nandaraya para sa posisyon. Ang ilang mga mananampalataya ay simpleng hindi dumadalo sa mga pagpupulong sa simbahan, at kapag ginagawa nila, marami ang pumupunta para lamang makibahagi sa kasiyahan, upang ilako ang kanilang mga paninda, upang makahanap ng isang romantikong kapareha, gumawa ng mga pakikipag-ugnay, at iba pa—ang iglesia ay dahan-dahang nagiging bahagi na ng mundo. Ngayon sa mundong ito na nagtataguyod ng kasamaan at pinipihit ang katotohanan, walang nagmamahal sa katotohanan o nagkukusa upang hanapin ang gawain at pagpapakita ng Diyos, at walang nag-iisip tungkol sa kung paano maging matapat at maglakad sa tamang landas ng buhay na alinsunod sa mga salita ng Diyos. Sa halip, lahat ay nagnanasa ng kasamaan, inabandona nila ang kanilang mga sarili sa bisyo, at kumikilos sila nang walang pagpipigil.
Habang pinagmamasdan natin ito, naaalala natin ang panahon ni Noe. Ang mga tao noong panahong iyon ay walang pakialam tungkol sa kung may Diyos o wala, at hindi rin sila gumagalang sa Diyos o sumunod sa Kanyang mga turo. Sa kabaligtaran, nakagawa sila ng lahat ng uri ng mga masasamang gawi na sumusuway sa Diyos, tulad ng pagpatay, panununog, pagnanakaw at panloloob. Napakahalay nila sa likas na katangian, nagpapakasal sila nang paulit-ulit, ang kanilang mga saloobin at mga gawa ay punong-puno ng kasamaan at sila ay hindi matiis ang pagka-tiwali. Kaya’t pinarusahan sila ng Diyos at winasak ng baha. Sa kasalukuyan, ang mga tao sa mundo ay kasing tiwali at kasing sama ng mga tao noong panahon ni Noe, mas nakahihigit pa. Dalawang libong taon na ang nakalilipas, ang Panginoong Jesus ay nagpropesiya: “At kung paano ang nangyari sa mga kaarawan ni Noe, ay gayon din naman ang mangyayari sa mga kaarawan ng Anak ng tao. Sila’y nagsisikain, sila’y nagsisiinom, sila’y nangagaasawa, at sila’y pinapagaasawa, hanggang sa araw na pumasok sa daong si Noe, at dumating ang paggunaw, at nilipol silang lahat. … Gayon din naman ang mangyayari sa araw na ang Anak ng tao ay mahayag” (Lucas 17:26–30). Ang mga salita ng Panginoon ay nagsasabi sa atin ng isang napakahalagang bagay: Kapag ang mga tao sa mga huling araw ay naging tiwali at masasama tulad ng mga tao sa panahon ni Noe, iyon ang magiging araw ng pagdating ng Anak ng tao, ang araw na babalik ang Panginoon. Kaya paano tayo makasasakay sa arka ng mga huling araw bago dumating ang malaking kapighatian?
Ano ang Mga Prinsipyo ng Gawain ng Diyos upang Iligtas ang Tao?
Kung nais nating sumakay sa arka ng mga huling araw, maaari nating isipin muna ang mga prinsipyo ng gawain ng Diyos upang mailigtas ang tao sa panahon ni Noe. Sa panahong iyon, ang sangkatauhan ay umabot na sa sukdulan ang kasamaan at kabulukan at ginalit ang disposisyon ng Diyos. Hindi agarang winasak ng Diyos ang mga tao ng panahon na iyon, dapatwa’t, sa halip ay gumawa upang iligtas ang tao. Una, tinawag ng Diyos si Noe upang gumawa ng arka, pagkatapos ay ginamit Niya si Noe upang maipalaganap ang ebanghelyo sa mga tao noong panahong iyon, sinabi sa kanila na gagawin ng Diyos ang gawain ng pagwasak sa mundo. Sinabi sa kanila ni Noe na dapat silang magsisi, tanggapin ang ebanghelyo ng Diyos, at sumakay sa arka, at sa ganoong paraan lamang sila makakaligtas. Ipinangaral ni Noe ang ebanghelyo na ito sa loob ng isang daang taon at ito ang panahon kung saan binigyan ng Diyos ang mga tao ng pagkakataon upang magsisi—ito ang pag-ibig ng Diyos sa tao. Ngunit ang sangkatauhan sa panahong iyon ay hindi naniniwala kay Noe. Tinuya nila siya, at umasa sila sa kanilang sariling mga pagkaintindi at haka-haka upang limitahan ang gawain ng Diyos, sa paniniwalang imposible na magpabagsak ang Diyos ng mga baha upang wasakin ang mundo. Tumanggi silang maniwala sa anumang hindi nila nakikita sa kanilang sariling mga mata, at kaya wala ni isa sa kanila ang tumanggap ng ebanghelyo ng Diyos. Nang natapos na ng Diyos ang Kanyang gawain upang mailigtas ang tao, sinimulan Niyang pakawalan ang mga baha upang parusahan ang lahat ng mga gumagawa ng masama. Sa oras na iyon, ang pintuan ng arka ay selyadong nakasara, at bukod sa walong katao ng pamilya ni Noe na nakaligtas, ang bawat isa, ang lahat nang sumuway sa Diyos at gumawa ng lahat ng uri ng kasamaan, ay inanod ng mga baha—napalampas nila ang kanilang pagkakataong mailigtas ng Diyos. Mula rito, makikita natin na ang mga prinsipyo ng Diyos sa Kanyang gawain upang mailigtas ang tao ay maaaring nahahati sa dalawang yugto: Una sinusubukan Niyang iligtas ang tao, pagkatapos ay pupuksain Niya sila. Ang gawain ng Diyos upang mailigtas ang tao ay ang pagbibigay Niya sa tao ng pagkakataon upang magsisi, at ginagawa din ito upang ilantad ang tao at paghiwalayin ang bawat isa ayon sa kanilang uri. Ang mga taong nakikinig sa mga salita ng Diyos at kumikilos ayon sa hinihingi ng Diyos, at sa mga hindi naniniwala sa mga salita ng Diyos, na tumatanggi na tanggapin ang gawain ng pagliligtas ng Diyos, ngunit sa halip ay ang mga tumututol at nagrebelde sa Diyos, ang lahat na lubusang inilantad sa pamamagitan ng gawain ng pagliligtas ng Diyos. Tanging pagkatapos na maihiwalay ng Diyos ang mabuti sa masama na sinisimulan Niya ang gawain ng pagtukoy sa hantungan ng mga tao at ng pag-gantimpala sa mabuti at pagparusa ng masasama. Ang mga hantungan ng mga tao sa gayon ay naitakda na at ang mga masasama ay winasak, at ang pag-ibig at katuwiran ng Diyos ay napapaloob dito.